Kichkina og‘iz ham katta gaplarni so‘zlashi mumkin! – Hamzatovdan xalqona hikmatlar
9 декабр, 2025
Odam tilga kirishi uchun ikki yil kifoya, lekin tilini tiyib turishni o‘rganishi uchun oltmish yil kerak bo‘ladi. * * * O‘tkir fikrni jo‘n ifoda etish, qo‘zichoqni och bo‘riga ro‘para qilishday bir gap. * * * Biz Vatanni ta…
<p>Odam tilga kirishi uchun ikki yil kifoya, lekin tilini tiyib turishni o‘rganishi uchun oltmish yil kerak bo‘ladi.</p>
<p><br />
* * *<br />
</p>
<p>O‘tkir fikrni jo‘n ifoda etish, qo‘zichoqni och bo‘riga ro‘para qilishday bir gap.<br />
</p>
<p>* * *<br />
<br />
Biz Vatanni tanlamaymiz, chunki Vatan bizni allaqachon tanlab bo‘lgan.<br />
</p>
<p>* * *<br />
<br />
Qasr hech qachon tovuqxonani, tovuqxona esa hech qachon qasrni esga solmasligi kerak.<br />
</p>
<p>* * *<br />
<br />
Urush hech qachon dunyoda odamlar sonini ko‘paytirmaydi, lekin u yerdagi qahramonlar sonini oshiradi.<br />
</p>
<p>* * *<br />
<br />
Orzular odamzod umr rishtasi uziladigan chegaradan ham o‘tib ketadi va asrlar osha uchaveradi.<br />
</p>
<p>* * *<br />
<br />
Yolg‘on har doim yolg‘on, haqiqat har doim haqiqat. Ular hech qachon arzimas va ulkanga ajratilmaydi.<br />
</p>
<p>* * *<br />
<br />
Til xalqqa bir umrga beriladi, uni o‘zgartirib ham, yo‘qotib ham bo‘lmaydi.<br />
</p>
<p>* * *<br />
<br />
Kichkina kalit bilan katta sandiqlarni ochish mumkin.<br />
</p>
<p>* * *<br />
<br />
Kichkina og‘iz ham katta gaplarni so‘zlashi mumkin.<br />
</p>
<p>* * *<br />
<br />
Odam – faqat atama emas, – unvon, unvon bo‘lganda ham, juda yuksak unvon. Bu yuksak unvonga munosib bo‘lish uchun bir umr intilish kerak.<br />
</p>
<p>* * *<br />
<br />
Nomdan ulug‘, hayotdan aziz narsa yo‘q. Ularni qadrla!<br />
</p>
<p>* * *<br />
<br />
O, ona tilida o‘ylayotgan va kuylayotgan odamlar! Sizga ham tashakkur!<br />
</p>
<p>* * *<br />
<br />
Hamisha onalar go‘zal, onalar aytgan qo‘shiqlar go‘zal.<br />
</p>
<p>* * *<br />
<br />
Agar belanchaklar uzra allalar aytilmaganda, ehtimol, dunyoda boshqa qo‘shiqlar yaratilmasdi.<br />
</p>
<p>* * *<br />
<br />
Onalar – dunyoning eng birinchi shoirlari!<br />
</p>
<p>* * *<br />
<br />
Onalar allasi – odamzod yaratgan qo‘shiqlarning ibtidosi.<br />
</p>
<p>* * *<br />
<br />
Qo‘shiq yurakda yaraladi, yurak uni tilga beradi, til esa odamlarning yuragiga yetkazadi, odamlarning yuraklarida asrlardan asrlarga o‘tadi.</p>
<p> </p>
<p><br />
<em>Ziyouz.uz</em></p>
<p> </p>
